Prokuroria jep detaje për vdekjen e 22-vjeçarit në vendin e punës

Kosova

Prokuroria jep detaje për vdekjen e 22-vjeçarit në vendin e punës

Më: 24 shkurt 2019 Në ora: 18:48
Foto ilustrim

Një 22-vjeçar nga Suhareka ka ndërruar jetë sot në vendin e tij të punës.

22-vjeçari nga Mushtishti i Suharekës me inicialet K.J, ka ndërruar jetë sot në vendin e tij të punës në Lipjan.

Kryeprokurori i Prokurorisë Themelore të Prishtinës, Imer Beka, ka thënë se 22-vjeçari e ka humbur jetën teksa ishte duke pastruar rezervuarët e naftës.

“Viktima ka qenë duke punuar në pompën e derivateve “Labi Oil”. Duke e pastruar vendin ku vendoset karburanti e ka kap ajo makina edhe ka pasuar vdekja e tij. Bëhet fjalë për një djalë mbi 20-vjeçar”, ka treguar Beka.

Beka ka thënë se për momentin rasti është duke u cilësuar si vdekje e dyshimtë dhe pas autopsisë që do t’i bëhet viktimës atëherë do të qartësohen të gjitha rrethanat se si ka ardhur deri te vdekja e 22-vjeçarit.

Vdekjen e 22-vjeçarit, e ka konfirmuar edhe policia e rajonit të Prishtinës.

Sipas Policisë, rasti ka ndodhur rreth orës 11:00.

“Rreth orës 11:00 në Stacionin Policor ne Graçanicë është hapur një rast për një vdekje të dyshimtë. Sipas raporteve të para Rasti ka ndodhe në një kompani private ku në rrethana akoma të pasqaruar  një person mashkull 1997  ka humbur jetën në vendin e tij të punës”, ka treguar Ahmeti.

Ajo ka thënë se me rastin po merren njësitet përkatëse.

Ndryshe, në vitin që lamë pas, në vendin e punës kanë humbur jetën 23 punëtorë. Nga ky numër, sipas Inspektoratit të Punës, 12 ishin punëtorë të ndërtimtarisë.

commentFirst article
Sot mund të lexoni Shfletoni kopertinat