Punimet e Kuvendit të Kosovës, nisen me një minutë heshtje. Deputetët u ngritën në këmbë për të nderuar të rënët në Betejën e Qirezit dhe Likoshanit.
Nderimi për 24 të vrarë para 21 vitesh u bënë edhe në vendin ku ata ranë me ç’ rast u zbulua edhe pllaka që përkujton katër vëllezërit Sejdiu.
Ishte babai i djemve ai që kishte ngritur këtë lapidar. Ai me dhimbje tregon momentin kur kishte mësuar se djemtë i kishin vdekur.
Sejdiu ndjehet i zhgënjyer me trajtimin e institucioneve kosovare, ai thekson se nuk është ndihmuar asnjëherë nga shteti.
Për të nderuar të rënët homazhe kanë bërë edhe ish komandantët e UÇK’së, Sylejman Selimi e Sami Lushtaku.
Të rënët i kujtuan edhe krerët e shtetit, Hashim Thaçi, Kadri Veseli e Ramush Haradinaj. Duke e ngritur lartë kujtimin e dëshmorëve, ata thanë se falë tyre Kosova gëzon këtë pavarësi.