Aleanca për Ardhmërinë e Kosovës në Deçan ka mbajtur kuvendin e VIII-të zgjedhor për t’i zgjedhur strukturat e reja partiake.
Me këtë rast, roli i AKK-së në këtë komunë u vlerësua lart nga gjithë të pranishmit.
Kryetari i AKK-së, njëherësh kryeministri i Kosovës, Ramush Haradinaj tha se sukseset dhe të arriturat e Deçanit janë pasqyra më e mirë për punën e kryetarit të tanishëm dhe kryetarëve të tjerë nga kjo parti.
Sipas tij, Deçani duhet të mburret sepse ka kontribuar për të drejtën e kombit.
Haradinaj: Deçani mund të mburret
“Deçani mund të mburret, mund të thotë që kam punuar për të drejtën e kombit tim, vendit tim. Jo vetëm kaq, Deçani ka të drejt me thënë po ashtu që prej meje i ka ardhë e mira e familjes së popujve të lirë”, tha Haradinaj.
Ndërsa, kryetari i komunës së Deçanit, Bashkim Ramosaj i renditi të arriturat që komuna që ai udhëheq i ka arritur.
Të gjitha këto sipas tij janë arritur falë bashkëpunimit dhe angazhimit të të gjithëve, e veçmas kryetarit të degës, Daut Haradinaj.
Ai u shpreh falënderues dhe ndaj kryetarit të qeverisë, Ramush Haradinaj që sipas tij përmes projekteve po bën që Deçani të duket ndryshe.
Ramosaj: Kryetari i degës ka instaluar një klime bashkëpunimi
“Sukseset e vitit 2017 na kanë vërë krenar kjo është arritur pikë së pari, sepse kryetari i kësaj dege ka instaluar brenda një klimë bashkëpunimi më të mirën të mundshme duke na bërë të gjithëve të ndihemi më konpetent dhe përkushtuar”, tha kryetari i Deçanit.
Kryetari i rizgjedhur i degës në Deçan, deputeti Daut Hardinaj tha se ndihet krenar për punën që e kanë bërë në këto vite dhe se suksesi është i përbashkët i të gjithëve.
Haradinaj: Kam pas nderin me punuar në degën e Aleancës
“Unë kam pas nderin me punu për këto tre vite e gjysmë në degën e Aleancës dhe është e vërtetë që suksesi i përbashkët e kemi arritur, sot udhëheqë qeveria, udhëheq Bashkim Ramosaj në komunë. Po në të njejtën kohë gjithë kandidatët për deputetë nga Deçani janë zgjedhur”, deklaroi Daut Haradinaj.
Mandati i strukturave të reja të degës në Deçan është tre vjeçar.
