Gjilani shënon simbolikisht 8 marsin

Kosova

Gjilani shënon simbolikisht 8 marsin

Nga: K.M Më: 8 mars 2019 Në ora: 14:46
Foto ilustrim

Komuna e Gjilanit ka shënuar sot simbolikisht 8 Marsin, Ditën Ndërkombëtare të Gruas.

Kryesuesja e kuvendit Shpresa Kurteshi – Emini, e shoqëruar nga një numër simbolik i grave, kanë vizituar stacionin Regjional të Policisë së Kosovës e më pas kanë mbajtur një tryezë të shkurtër rreth pozitës së gruas në shoqëri në përgjithësi, për ta përfunduar aktivitetin me vizitën në qendrën për kujdesin e gruas “Liria”, e cila merret me strehimin e grave të cilat janë pjesë e dhunës në familje.

Kurteshi Emini ka deklaruar se gruaja në Gjilan ka hapësirën e saj në vendimmarrje, duke kërkuar që kjo cështje të avancohet edhe në nivel të Republikës.

Në këto aktivitete kanë marrë pjesë edhe Teuta Siliqi, asambleiste, Linda Salihu, Drita Klaiqi, Nazife Jonuzi etj., të cilat kanë thënë se angazhimi për një pozitë më të mirë të gruas si shtyllë e familjes është angazhim për ngritje dhe vetëdijësimin e shoqërisë.

commentFirst article
Sot mund të lexoni Shfletoni kopertinat