OAK i dorëzon projektin Komunës së Fushë Kosovës - Bota Sot
OAK i dorëzon projektin Komunës së Fushë Kosovës

Kosova

OAK i dorëzon projektin Komunës së Fushë Kosovës

Më: 11 mars 2019 Në ora: 13:22
OAK i dorëzon projektin Komunës së Fushë Kosovës

Përfaqësues të Odës së Afarizmit të Kosovës i kanë dorëzuar sot gjatë një takimi kryetarit të Komunës së Fushë Kosovës Burim Berisha projektin e financuar nga OAK dhe biznesi Kosmonte Foods për rregullimin e infrastrukturës për bizneset që operojnë në Zonën e Harilaqit.

OAK, me kërkesën e bizneseve të kësaj zone është angazhuar për këtë projekt që një kohë dhe ka pasur takime me të gjithë faktorët, nga komuna, ministria dhe ujësjellësi. 

Lidhur me këtë projekt, OAK ka marrë edhe mbështetje nga ministri i Infrastrukturës Pal Lekaj, i cili është shprehur i gatshëm për përkrahjen e projektit për asfaltimin e kësaj rruge, dhe ka kërkuar që Komuna e Fushë Kosovës të bëjë një memorandum bashkëpunimi pasi bëhet fjalë për një rrugë lokale. 

Kryetari Berisha theksoi se ky projekt ka rëndësi shumë të madhe për zhvillimin e biznesit dhe komuna që ai drejton do të ofrojë përkrahje maksimale që ky projekt të realizohet gjatë këtij viti.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...