Një vrasje që ka ndodhur në Pejë shtatë vjet më parë nuk u zbardh asnjëherë. Familjarët kanë dyshime tek autoritetet e këto të fundit thonë se janë të hapura për çdo informatë.
Kastriot Kastratit nga Peja ende nuk i është shuar mërzia për humbjen e babait.
Biznesmeni Sali Kastrati i njohur edhe si Sali Dukati vdiq pas plagëve të marra në atentatin që iu bë në prag të shtëpisë në prill të vitit 2012 e që ishte i katërti me radhë brenda një muaji.
Më pas e bija Besarta ishte dënuar me 29 vjet për vrasjen e Fidan Shabiut derisa hakmarrja për babanë ishte përmendur si motiv i mundshëm.
Por Kastrioti që e mohon këtë versionin e fundit thotë se drejtësia për rastin e të atit ende nuk ka shkuar në vend.
Për këtë po fajëson organet kompetente.
Ai thotë se është injoruar nga organet e drejtësisë kur ka kërkuar nga to që të merren me rastin.
Toka me vlerë milionëshe si dhe dyqani i arit që gjenden në qendër të Pejës që i posedon familja Kastrati sipas Kastriotit janë arsyet kryesore pse bandat e shumta i kanë kërkuar haraç që nga paslufta.
Po thotë se këtë e kanë bërë persona të njohur të cilët edhe po e stopojnë zbardhjen e vrasjes.
Por këta po e mohon Prokuroria Themelore e Pejës. Në përgjigjen e këtij emisioni thuhet se janë intervistuar shtatë persona ndër ta edhe bashkëshortja e të ndjerit.
Megjithatë për këtë rast nuk ka pasur asnjë aktakuzë ani se në fillim një person ka qenë i paraburgosur.