SBASHK vazhdon të kundërshtojë Ministrinë për kompensimin e orëve të humbura - Bota Sot
SBASHK vazhdon të kundërshtojë Ministrinë për kompensimin e orëve të humbura

Kosova

SBASHK vazhdon të kundërshtojë Ministrinë për kompensimin e orëve të humbura

Më: 20 mars 2019 Në ora: 23:07
SBASHK

Ministria e Arsimit sot ka marrë vendim që të kompensohet orët e humbura të mësimit gjatë grevës së mbajtur.

Ministria ka vendosur që orët të zëvendësohen nga pushimi pranveror (pesë ditë), të zëvendësohen gjatë pesë të shtunave, si dhe të zgjatet përfundimi i vitit mësimor.

Por këtë vendim po e kundërshton SBASHK, të cilët po e quajnë vendim të njëanshëm.

Kryetari i SBASHK-ut për Prishtinë, Ahmet Pllana, ka thënë për klankosova se kanë mbajtur një mbledhje për këtë arsye.

“Pasi morëm vendimin nga Ministria e Arsimit, kemi mbajtur një mbledhje të gjithë kryetarët e niveleve komunale ku unanimisht vendosëm që të mos i zëvendësojmë orët. Mësimdhënësit kanë shkuar në punë për 15 ditë të grevës. Faji nuk ka qenë i yni që është zgjatur por i Ministrisë dhe të tjerëve”.

“Ky vendim është i njëanshëm pasi nuk janë konsultuar me ne. Ne kërkojmë që të mos mbahet mësimi në ditët e shtune, sepse është ngarkesë për fëmijët dhe për mësimdhënësit. Po ashtu, në pushimin pranveror ne bëjmë gati librezat dhe punë të tjera”.

Pllana tha se edhe Këshilli i Prindërve është pajtuar me vendimin e tyre pasi që nuk dëshirojnë që fëmijëve t’u merren pushimet.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...