Mbi 57 marrëveshje Kosovë – Shqipëri janë zbatuar, heqja e roamingut në qershor - Bota Sot
Mbi 57 marrëveshje Kosovë – Shqipëri janë zbatuar, heqja e roamingut në qershor

Kosova

Mbi 57 marrëveshje Kosovë – Shqipëri janë zbatuar, heqja e roamingut në qershor

Më: 21 mars 2019 Në ora: 00:27
Valdete Dushinca – Bajrami, shefe e Kabinetit të Zëvendëskryeministrit Fatmir Limaj

Qeveria e Kosovës dhe Shqipërisë kanë nënshkruar dhjetëra marrëveshjes për lehtësimin e bashkëpunimit mes dy shteteve. Sipas zyrës së koordinatorit Nacional Kosovë-Shqipëri, deri më tash 57 marrëveshje kanë gjet zbatim në praktikë. Kurse heqja e roamingut pritet të përfundojë në qershor.

Mbi 80 marrëveshjet sa janë të nënshkruara në mes të dy qeverive shqiptare, asaj të Kosovës dhe Shqipërisë, shumica prej tyre kanë gjetur zbatim në praktikë.

Këtë e thotë Valdete Dushinca – Bajrami, shefe e Kabinetit të Zëvendëskryeministrit Fatmir Limaj, që njëherësh është edhe koordinator nacional i dy qeverive.

“Numri total i marrëveshjeve mes Kosovës dhe Shqipërisë është rreth 80 sosh. Deri tash zbatueshmëri kanë gjetur 57 marrëveshje, disa prej tyre jo në tërësi por pjesërisht… Ka disa marrëveshje që iu ka kaluar koha e implementimit”, thotë Valdete Dushinca Bajrami.

Njëra ndër marrëveshjet ka qenë edhe heqja e roamingut ndërmjet dy shteteve. Sipas saj kjo pritet të finalizohet deri në mes të qershorit.

“Vlenë të ceket se që nga marrja e përgjegjësisë si Koordinator Kombëtar nga ana e zotit Limaj, marrëveshjet kanë filluar të zbatohen me një intensitet më të shpejt”, tha më tej Valdete Dushinca Bajrami.

Ndërkaq Bajrami shtoi se proceduat burokratike janë ato që po e vonojnë zbatimin normal të marrëveshjeve, ngase po nevojitet ndryshim plotësim i ligjeve nga  të dyja shtetet.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...