Kërkohet punësim më i madh i grave dhe të rinjve në Kosovë - Bota Sot
Kërkohet punësim më i madh i grave dhe të rinjve në Kosovë

Kosova

Kërkohet punësim më i madh i grave dhe të rinjve në Kosovë

Më: 21 mars 2019 Në ora: 18:01
Diskutimin mbi punësimin e grave dhe të rinjve në Kosovë

Qendra Kosovare për Studime Gjinore ka organizuar diskutimin mbi punësimin e grave dhe të rinjve në Kosovë.

Me këtë rast u theksua nevoja që t’iu jepet mundësia për t’u punësuar në tregun e punës të rinjve, e veçmas grave.

Drejtoresha ekzekutive në organizatën STIKK,  Vjollca Çavolli tha se sektori i IT-së të cilën e përfaqëson është mjaft profitabil, mirëpo në Kosovë është mjaft i vogël  për shkak të mungesës së shkathtësisë.

Sipas saj, dhe punësimi i grave në këtë sektor është i rëndësishëm dhe duhet të  iu kushtojnë vëmendje të posaçme  

Ndërsa, theksoi se punësimi i grave është shumë më i favorizuar në këtë sektor, për arsye të përshtatjes së tyre me punën.

Çavolli: Problemi kryesor i sektorit që unë e përfaqësoj është mungesa e shkathtësive

“ Shtetet gjermano-folëse për çdo vit kërkojnë prej neve deri në pesëdhjetë mijë zhvillues softwerik, ne nuk mund t’i krijojmë brenda vitit as njëqind. Ky është problemi ynë, problemi kryesor i sektorit që unë e përfaqësoj është mungesa e shkathtësive, mungesa e njerëzve të shkathët që dinë të punojnë,  jo të edukuar, por të shkathët. Nëse hyjmë në web faqe të kompanive tona gjatë tërë vitit ka vende të lira të punës, këtu e kemi problemin ne s’po mundemi këtë sektor me ngopë me fuqi të shkathtë punëtore. Ideja për ta fokusuar në këtë sektor është për me mbajt rininë në Kosovë. Punësimi i grave është shumë i favorizuar në sektor të IT-së. Kompanitë shumë më me qejf i punësojnë femrat, sesa meshkujt në këtë sektor”, u shpreh Çavolli.

Drejtoresha Ekzekutive, Open Data Kosova, Blerta Thaçi tha se industria e teknologjisë të krijon një energji pozitive për të punuar gratë dhe se kjo industri është aq e gjerë sa në këtë fushë për të punuar mundet të gjejë punë e gjithë Kosova.

Thaçi këmbënguli që përveç dijes në fakultete duhet që të dilet jashtë kurrikulave të tyre për t’u avancuar tutje.

Thaçi: Kjo industri është kaq e mjaftueshme për të punuar, sa krejt në Kosovë munden me gjetur punë

“Është interesante me tregu që kjo industri dhe kjo fushë në Kosovë me të vërtetë është kaq e mjaftueshme sa krejt Kosova të fillojë, të punojë, që të angazhohet në këtë fushë mundet me gjet punë. Ajo që është me mira e kësaj është se të krijon një hapësirë që ndoshta e gjen atë pozitivitetin që nuk e gjen në Kosovë”, tha Thaçi.  

Ndërsa, drejtori i Ekzekutiv i Venture Up, Fis Malësori u shpreh se përmes organizatës që ai përfaqëson janë duke avancuar programe për të fuqizuar në përgjithësi të rinjtë në Universitetin e Prishtinës.

Malësori: Kemi themeluar disa programe që iu ofron studentëve për t’u zhvilluar profesionalisht për tregun e punës

“Fuqizimi i të rinjve, i grave të reja në Universitetin e Prishtinës, studentëve pra, Venture Up për këtë qëllim ka themeluar disa programe që iu ofron studentëve për t’u zhvilluar profesionalisht për tregun e punës”, tha Malësori.

Ai kritikoi mendësinë e të mësuarit vetëm teorik, pasi sipas tij është  shumë më e rëndësishme që praktikisht të jenë të aftë për punë.

Për këto arsye, ai kërkoi nga MASHT-i përmirësim dhe ndërrim të kurrikulave.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...