Ministrja Dijana Zivic, gjatë takimit që pati me Kryetarin e Komunës së Obiliqit, Xhafer Gashi, ka njoftuar më hollësisht për Programin për Bujqësi dhe Zhvillim Rural për vitin 2019, dhe për skemat e reja të mbështetjes.
E para e dikasterit të Bujqësisë, ka konfirmuar gatishmërinë e saj për të thelluar bashkëpunimin me këtë komunë, me qëllim të zhvillimit të mëtejmë të sektorit të bujqësisë në këtë rajon.
Ndërkaq kryetari i Obiliqit, Xhafer Gashi, e falënderoi ministren për mbështetjen që Ministria e Bujqësisë ka dhënë në vazhdimësi për këtë komunë, me qëllim të zhvillimit të mëtejmë të sektorit të bujqësisë, njofton Ministria e Bujqësisë.
I pari i Komunës së Obiliqit e njoftoi ministren edhe për sfidat dhe të arriturat në këtë sektor dhe me këtë rast shprehi përkushtimin e tij për të realizuar projekte zhvillimore në këtë sektor.
