Ministria e Infrastrukturës financon rrugën A në kryeqytet - Bota Sot
Ministria e Infrastrukturës financon rrugën A në kryeqytet

Kosova

Ministria e Infrastrukturës financon rrugën A në kryeqytet

Më: 25 mars 2019 Në ora: 16:27
Foto nga takimi

MIT për vitin 2019-të, do t’i ofrojë mbështetje financiare Komunës së Prishtinës në vlerë 1 milion e 83 mijë e 591 euro,për realizimin e dy projekteve.

Projekti i parë ka të bëjë me ndërtimin e rrugës A, që do të mbështetet me 800 mijë euro, ndërsa për dy vitet në vijim, janë planifikuar edhe gjashtë milionë euro, deri në përfundimin e kësaj rruge.

Ndërkaq projektin e dytë që do ta financoj Ministria e Infrastrukturës, është ndërtimi i rrugës Rambaja – Hajvali, në vlerë prej 283 mijë e 591 euro.

I pari i Infrastrukturës, e siguroi kryetarin Ahmeti, se “mbështetja e dikasterit që ai drejton nuk do të mungojë për kryeqytetin dhe se projektet pjesë e këtij memorandumi, janë të planifikuara në aspektin financiar deri në përfundimin e plotë të tyre”, njoftoi Ministria e Infrastrukturës përcjellë Klan Kosova.

Ndërkaq numri një i Prishtinës, duke e falënderuar ministrin Lekaj për mbështetje të këtyre projekteve me rëndësi për qytetin dhe qytetarët e Prishtinës, tha se “komuna do të jetë e kujdesshme në realizimin e projekteve të financuara nga MIT-ja dhe se do të respektohen të gjitha parametrat teknike dhe afatet kohore të parapara për këto projekte”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...