Pesë raste të tjera të zjarrvënies - Bota Sot
Pesë raste të tjera të zjarrvënies

Kosova

Pesë raste të tjera të zjarrvënies

Më: 26 mars 2019 Në ora: 10:43
Foto

Gjatë 24 orëve të fundit, policia ka njoftuar për 5 zjarrvënie në lokacione të ndryshme, ku në njërin rast është arrestuar edhe një person.

Kjo e fundit ka ndodhur në Istog, ku policia ndaloi të dyshuarin pasi kishte ndezur një zjarr me qëllim të pastrimit të arës, por zjarri më pas ka përfshirë edhe një shtyllë elektrike.

Njësiti zjarrfikës ka lokalizuar zjarrin, ndërsa me vendim të prokurorit i dyshuari pas intervistimit është liruar në procedurë të rregullt.

Dy raste të tjera të zjarrvënies janë raportuar në Kamenicë, por ende nuk dihen shkaqet e zjarrit.

Në rastin e parë, një ankues ka thënë se pylli i tij është përfshirë nga zjarri, ndërsa në raportimin e dytë flitet për djegien e 1.60 ari male.

Policia ka marrë edhe një ankesë në Lipjan se për shkaqe të panjohura është përfshirë nga zjarri pylli i ankuesit.

Ndërsa, mëngjesin e sotëm, është raportuar për një zjarr në lagjen “Arbëria” në Prishtinë ku është kërkuar ndërhyrja e njësitit zjarrfikës.

Fatmirësisht në të gjitha rastet e mësipërme nuk ka pasur lëndime në njerëz.

Ditë më parë, për shkak të rasteve të raportuara të zjarreve, reagoi edhe kryeministri Ramush Haradinaj që tha se qeveria po analizon situatën dhe do të ndërmarrë hapa adekuatë për të parandaluar rastet e tilla.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...