MASHT me përgatitje intensive për testin ndërkombëtar TIMSS - Bota Sot
MASHT me përgatitje intensive për testin ndërkombëtar TIMSS

Kosova

MASHT me përgatitje intensive për testin ndërkombëtar TIMSS

Më: 26 mars 2019 Në ora: 12:47
Foto

Ministri i Arsimit, Shkencës dhe Teknologjisë, Shyqiri Bytyqi, mori pjesë në takimin e përbashkët të Komisionit për Vlerësime Ndërkombëtar, përfaqësuesve të Drejtorive Komunale të Arsimit dhe Koordinatorëve të shkollave të përzgjedhura për vlerësimin TIMSS, ku u bisedua për përgatitjet rreth mbarëvajtjes së këtij testi vlerësues.

Ai me këtë rast vlerësoi lart rëndësinë e testit TIMSS, si një instrument i jashtëm vlerësues, nga rezultatet e të cilit do të ketë një pasqyrë reale të gjendjes momentale në sistemin e arsimit në Kosovë.

Ministri Bytyqi, kërkoi nga të gjithë akterët e involvuar në këtë proces që të  angazhohen maksimalisht, të informojnë nxënësit dhe shkollat pjesëmarrëse që të jenë të përgatitur dhe të japin maksimumin.

Në këtë kontekst, ai kërkoi nga Komisioni për Vlerësim dhe të tjerët që të zhvillohen  sa më shumë vizita në terren me qëllim vetëdijesimit për rëndësinë e këtij  testi vlerësues ndërkombëtar dhe shtoi se praktika e fundit me testin PISA tregoi se një qasje e tillë padyshim jep rezultate të mira.

Testi ndërkombëtar (hulumtimi) TIMSS, është vlerësim ndërkombëtar i trendëve në njohuritë e Matematikës dhe Shkencave Natyrore  i cili realizohet në kuadër të organizatës IEA për vlerësimin e të arriturave në arsim.

Ndryshe, MASHT, përkatësisht Divizioni për Sigurimin e Cilësisë, Standardeve dhe Monitorim ka hartuar planin dinamik të organizimit, në harmoni me kërkesat e parashtruara. Janë përzgjedhur  148 shkolla prej të cilave 3 shkolla janë më nxënës me nevoja të veçanta.

Testi ndërkombëtar  TIMSS përfshinë nxënësit e klasave të katërta dhe  teta me gjithsej rreth 5000 nxënës dhe fillon nga data 22 Prill-10 Maj  2019.

Ky proces vlerësues mbështet nga BE, projekti KESIP i Bankës Botërore dhe partnerë tjerë të MASHT-it.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...