Aktivistët e Lëvizjes Vetëvendosje në Viti sot zhvilluan një aktivitet në lidhje me premtimet e rreme të kryetarit Sokol Halitit.
Ata me këtë rast i kanë përkujtuar kreut të Vitisë disa nga premtimet e shumta të pa realizuara si kyçja në autostradë, rritja e kapaciteteve të fabrikës së ujit. dështimi i fabrikës së tekstilit, funksionalizimi i 12 bibliotekave nëpër shkolla, krijimi i një institucioni shëndetësor për lehonat, premtimi i 138 bursave tash e 5 muaj, hapja e një çerdhe publike, objekti i komunës së re, renovimi i objektit të Drejtorisë së Bujqësisë dhe inkasimi i taksës për mbeturina nga ana e komunës.