Kryetari i Prizrenit, Mytaher Haskuka, e ka quajtur akt kriminal zjarrvënien duke thënë se, strategjia e "tokës së djegur" ka përfunduar me tërheqjen e trupave të Millosheviqit, përcjellë “Bota Sot”.
“Kemi menduar që strategjia e "tokës së djegur" ka përfunduar me tërheqjen e trupave të Millosheviqit, por ja që ka të tillë që i vënë zjarrin bukurive natyrore të Kosovës”, shkruan Haskuka në facebook.
Postimi i plotë:
Këto pamje janë nga shtegu për "Pashaqeshme", vandalizëm... Kemi menduar që strategjia e "tokës së djegur" ka përfunduar me tërheqjen e trupave të Millosheviqit, por ja që ka të tillë që i vënë zjarrin bukurive natyrore të Kosovës.
Zjarrvënia është akt kriminal me ligjet e Kosovës dhe dënohet deri në 5 vjet burg. Ftoj policinë, organet e hetuesisë që të identifikojnë këta kriminelë që të marrin dënimin që e meritojnë. @ Pashaqeshme 2