Ish kryetari i Bashkësisë Islame të Kosovës, i cili që nga janari i vitit 2019 është këshilltar i kryeministrit Ramush Haradinaj duket se ka kursyer shumë para nga puna e tij që e ushtroi për rreth 8 vite si ambasador në Emiratet e Bashkuara Arabe.
Rexhep Boja e ka deklaruar pasurinë para dy muajve si këshilltar i kryeministrit Ramush Haradinaj.Këshilltari i kryeministrit i cili merr pagë në kryeministri që nga muaji janar i këtij viti në vlerë prej 1100 eurove, ka deklaruar se ka në bankë në emrin e tij rreth 145 mijë euro.
Poashtu ai posedon një veturë që e ka blerë vitin kaluar në vlerë prej 17 mijë e 200.Edhe me pasuri të luajtshme nuk i ka punët keq. Posedon një banesë në emrin e tij e blerë në vitin 2002, në vlerë prej 25 mijë euro, një lokal të përbashkët, i blerë në vitin 2013, në vlerë prej 50 mijë eurove, një banesë të përbashkët, në vlerë prej 320 mijë eurove, e blerë ne vitin 2013, një shtëpi të trashëguar të përbashkët dhe një tokë të përbashkët të trashëguarNga viti 2010, deri në vitin 2017, Boja ka qenë Ambasador i Kosovës në Arabinë Saudite.Për herë të parë, para të mbajtura në institucionet financiare, i ka deklaruar në vitin 2012. Në atë kohë i ka deklaruar 35 mijë euro.