Policia jep detajet për përleshjen e PDK-së në Skenderaj - Bota Sot
Policia jep detajet për përleshjen e PDK-së në Skenderaj

Kosova

Policia jep detajet për përleshjen e PDK-së në Skenderaj

Më: 15 prill 2019 Në ora: 19:46
Pamje nga vendi i ngjarjes

Pas përleshjes së disa anëtarëve të PDK-së në Skenderaj gjatë ditës së djeshme, edhe Policia e Kosovës ka dhënë versionin e saj.

Sipas raportit të PK-së, në kuvendin zgjedhor i cili dje u mbajt në Klinë të Epërme të Skenderajt, një person është paraqitur në polici ku ka raportuar se është kanosur nga një person.

Media merr vesh se bëhet fjalë për ish-kryetarin e kësaj komune, Sami Lushtakun i cili në këtë kuvend kërcënoi një simpatizant të krahut të kryetarit të tanishëm të kësaj komune,  Bekim Jasharit.

Policia thotë se rasti ka ndodhur rreth orës 15:30 minuta.

“Raportohet se në një lokacion në Skenderaj është raportuar për një rast prishje e rendit dhe qetësisë publike. Lidhur me rastin viktima mashkull K-Shqiptar ka raportuar se, është kanosur me fjalë nga një person mashkull K-Shqiptar. Rasti është trajtuar nga njësitet policore”, thuhet në raportin e Policisë.

Përveç kësaj, media merr vesh se Lushtakut edhe i është dorëzuar një fletparaqitje për në polici për t’u deklaruar lidhur me këtë rast.

Ndryshe, gjatë ditës së djeshme anëtarë të PDK-së kanë pasur një përleshje në mes vete me rastin e zgjedhjeve të brendshme të kësaj partie.

Gjithnjë sipas këtij burimi, deri tek rasti i incidentit është ardhur kur në këtë kuvend simpatizantët janë ndarë në dysh, në përkrahës të Sami Lushtakut dhe në përkrahës të Bekim Jasharit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...