KEDS gjelbëron kopshtet e tri shkollave - Bota Sot
KEDS gjelbëron kopshtet e tri shkollave

Kosova

KEDS gjelbëron kopshtet e tri shkollave

Më: 17 prill 2019 Në ora: 15:45
Foto

KEDS edhe këtë vit është pjesë e aktiviteteve për Ditën e Tokës. Kompania ka vendosur që të japë kontributin e vet në gjelbërimin e hapësirave për nxënës.

Aktiviteti ka filluar të mërkurën ku është bërë mbjellja e fidaneve dhe luleve në shkollën fillore  “Kuvendi i Arbrit” në Ferizaj. I njëjti do të vazhdojë edhe në shkollat “Sadullah Brestovci” në Gjilan dhe “Dituria” në Shkabaj të Prishtinës. Bëhet fjalë për 60 fidane me pemë të ndryshme dhe një pjesë e konsiderueshme e luleve të ndryshme, të cilat do të bëjnë që nxënësit të frymojnë më lirshëm në ambientet e shkollave përkatëse dhe të kenë një ambient më relaksues.

“KEDS që nga fillimi i operimeve të saj ka qenë pjesë e aktiviteteve për Ditën e Tokës. Të njëjtën kohë ne vazhdimisht kemi qenë të përkushtuar në përmirësimin e kushteve për nxënës. Prandaj, gërshëtimi i këtyre aktiviteteve, pra që ditën e tokës të bëjmë dicka në të mirë të nxënësve nuk është i rastësishëm. Aty fillon cdo ndryshim pozitiv dhe ne duam të jemi pjesë e atij ndryshimi”, tha Alper Erbas, drejtor gjeneral i KEDS-it, teksa po mbillte fidanet në shkollën “Kuvendi i Arbrit”. 

Kjo iniciativë vullnetare ka filluar të mërkurën dhe do të vazhdojë deri te premten, pasi me rastin e Ditës së Tokës, me 22 prill është pushim për shkak të Pashkëve Katolike.

Ky nuk është aktiviteti i vetëm as sa i përket mbjelljes së fidaneve që ka bërë kompania e as aktiviteteve në shkolla.

Vitin e kaluar KEDS ka mbjell fidane me iniciativë të Komunës së Prishtinës në hapësirat e Fakultetit Teknik.

Përderisa, KEDS në kuadër të Përgjegjësisë Shoqërore të Korporatës (CSR) ka realizuar një sërë projektesh në shkolla, si:  krijimi i laboratoreve të Informatikës, krijimi i bibliotekave, botimi i librit për nxënësen, pastaj renovimi i një pjese të shkollës në Kamenicë e shumë aktivitete tjera.

Të gjitha këto aktivitete janë realizuar nga punëtorët vullnetarë të KEDS dhe KESCO.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...