Një kompani turke e interesuar për të investuar në Malishevë - Bota Sot
Një kompani turke e interesuar për të investuar në Malishevë

Kosova

Një kompani turke e interesuar për të investuar në Malishevë

Më: 17 prill 2019 Në ora: 15:48
Pamje nga takimi

Sot në Malishevë, kanë qëndruar drejtori i TEB-it në Kosovë, Orcun Ozddenir dhe biznesmeni turk, pronar i kompanisë “Sev Triko”, Ysuf Eldeleklioglu, të cilët janë pritur nga Kryetari i Komunës së Malishevës, Ragip Begaj, ndërsa në këtë takim ishte i pranishëm edhe deputeti i Kuvendit të Kosovës, Enver Hoti.

Qëllimi i këtij takimi ishte njohja me mundësitë dhe kushtet që ofron Malisheva, për investimet e huaja, përkatësisht investimin nga një kompani turke, që merret me tekstil dhe prodhon linja tekstili për firmat e njohura të veshjeve.

Në këtë takim, kryetari Begaj, i ka njoftuar me mundësitë që i ofron Komuna e Malishevës, për investime dhe gatishmërinë e komunës, për të ofruar lehtësira për të gjithë ata që duan të investojnë në Komunën e Malishevës.

Edhe deputeti Hoti, i ka njoftuar me mundësitë që ofrohen në vendin tonë për investime, ku sipas tij, Kosova e ka të rregulluar infrastrukturën ligjore për investime dhe ofron shumë mundësi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...