Filluan punimet në rrugën Shtërpcë-Brezovicë - Bota Sot
Filluan punimet në rrugën Shtërpcë-Brezovicë

Kosova

Filluan punimet në rrugën Shtërpcë-Brezovicë

Më: 18 prill 2019 Në ora: 11:54
Filluan punimet në rrugën Shtërpcë-Brezovicë

Ministri i Infrastrukturës dhe Transportit Pal Lekaj, sot mori pjesë në përurimin i fillimit te punimeve në rehabilitimin e rrugës regjionale Gërlicë e Epërme-Shtërpcë -Brezovicë.

Rehabilitimi i kësaj rruge me gjatësi prej 15.3 kilometra ka kosto mbi 1.2 milionë euro. Punimet për këtë segment parashihet të përfundojnë brenda 180 ditë pune. 

Ndërkaq për segmentin e dytë të rrugës deri në Qendrën e Skijimit dhe Prevallë, me gjatësi prej 19.4 kilometra, sot është nënshkruar kontrata me vlerë afër dy milionë euro. 

Ministri Lekaj shprehu kënaqësinë që me këtë investim të Ministrisë së Infrastrukturës dhe Transportit, i hapet perspektivë edhe më e madhe kësaj zone turistike.

Ai shtoi se Qeveria e Kosovës ka prioritet investimin në turizëm në të gjitha rajonet e Kosovës ku ka potencial turistik. 

Kryetari i Federatës së Skijimit të Kosovës, Milaim Kelmendi, e falënderoi ministrinë dhe ministrin Lekaj që nëpërmjet infrastrukturës po lehtëson zhvillimin e sportit që ai përfaqëson, jo vetëm në Brezovicë, por edhe në bjeshkët e tjera.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...