UNKT do të mbështesë zhvillimin e bujqësisë - Bota Sot
UNKT do të mbështesë zhvillimin e bujqësisë

Kosova

UNKT do të mbështesë zhvillimin e bujqësisë

Më: 19 prill 2019 Në ora: 13:55
UNKT

Ministrja e Bujqësisë, Pylltarisë dhe Zhvillimit Rural, Dijana Zivic, ka pritur sot në një takim koordinatoren e zhvillimit për Kombet e Bashkuara në Kosovë, Ulrika Richardson, dhe Vlora Nushi, shefe e zyrës së UN Women në Kosovë.

Siç njofton komunikata për media nga MBPZHR, gjatë këtij takimi është biseduar për bashkëpunimin e deritanishëm mes dy institucioneve, si dhe për projektet e shumta në ngritjen e kapaciteteve të ministrisë, të cilat pritet të realizohen në të ardhmen.

Zivic ka vlerësuar bashkëpunimin e deritanishëm në mes MBPZHR-së dhe UNKT-së dhe ka shprehur vullnetin për të thelluar edhe më tej bashkëpunimin me mes tyre, me qëllim të zhvillimit dhe avancimit të mëtejmë të sektorit të bujqësisë në Kosovë.

Në anën tjetër, koordinatorja e zhvillimit për Kombet e Bashkuara në Kosovë, Ulrika Richardson, vlerësoi punën që po bëhet në avancimin e sektorit të bujqësisë dhe shtoi se si institucion do të vazhdojnë përkrahjen e këtij sektori, përmes projekteve të ndryshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...