Në 20 vjetorin e rënies heroike është përkujtuar dëshmori kombit, Mejdi Korrani, përcjell “Bota sot” .
Përfaqësues të institucioneve komunale, organizatave të dala nga lufta, subjekteve politike, mekanizmave të sigurisë, bashkëqytetarë të dëshmorit nga Pozherani dhe qytetarë të tjerë, kanë vendosur kurora lulesh mbi varrin e tij në varrezat e dëshmorëve në Viti.
Përvjetori i rënies së dëshmorit Mejdi Korrani, është duke u përkujtuar me një varg aktivitetesh të shumta sportive, ndërkohë që do të mbahet edhe një Akademi përkujtimore në Pozheran.
