Ministri Berisha ngushëllon homologen Xhaçka dhe familjen Hasanaj - Bota Sot
Ministri Berisha ngushëllon homologen Xhaçka dhe familjen Hasanaj

Kosova

Ministri Berisha ngushëllon homologen Xhaçka dhe familjen Hasanaj

Më: 7 maj 2019 Në ora: 14:42
Ministri i Mbrojtjes i Republikës së Kosovës, Rrustem Berisha

Ministri i Mbrojtjes i Republikës së Kosovës, Rrustem Berisha pas rënies në krye të detyrës së ushtarakes shqiptare nëntetare Zarife Hasanaj, i ka dërguar telegram ngushëllimi Ministrisë së Mbrojtjes, Forcave të Armatosura të Shqipërisë si dhe familjes së dëshmores më të re të kombit shqiptar, familjes Hasanaj.

Në Telegramin e ngushëllimit, Berisha thekson se rënia në krye të detyrë e nëntetares Zarife Hasanaj, gjatë misionit të NATO-s në Letoni, është një lajm i hidhur për Ministrinë e Mbrojtjes të Republikës së Kosovës dhe oficerët dhe ushtarët e Forcës së Sigurisë të Kosovës.

“Nëntetarja Zarife Hasanaj, dëshmorja më e re e kombit shqiptar, si një dëshmore e paqes dhe sigurisë, na dëshmon të gjithëve se edhe mbrojtja e paqes kalon nëpër sakrifica dhe përballje të rrezikshme për përmbushjen e detyrave ushtarake. Në emër të Ministrisë së Mbrojtjes dhe Forcës së Sigurisë të Kosovës, ju shpreh ngushëllime të thella familjes së nëntetares Zarife Hasanaj, Ministrisë së Mbrojtjes, Forcave të Armatosura të Republikës së Shqipërisë dhe gjithë popullit shqiptar, si dhe u urojmë shërim të shpejtë majorit Klodian Tanushi dhe rreshterit Julian Kapaj. Pusho në paqe Heroinë!”, përfundon telegrami.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...