Deputeti Labinot Tahiri dje i ka plotësuar dëshirën 15-vjeçares, Habibe Beqirit, duke i blerë një llap top të cilën vajza e kishte kërkuar. Për të po mblidhen mjetet për t’ia mundësuar operacionin.
Këtë e ka bërë të ditur Tahiri përmes rrjetit social Facebook, duke shkruar se pavarësisht kësaj, 15-vjeçarja ka nevojë për ndihmën e njerëzve që të i sigurojë paratë për të kryer operacionin e pestë që mund t’i mundësojë ecjen.
Tahiri ka publikuar fillimisht një video duke treguar se kishte shkuar për t’i blerë llap topin vajzës.
“Me mëngjes u zgjova, dhe shkova që t’ia blejë laptopin asaj vogëlushes Habibe Beqirit, me ia gëzua shpirtin. Do të ia dorzoj sot, dhe ti tregojë se 4.000 euro janë mbledhur, e po presim deri nesër nga dora e shqiptarëve edhe 8.000 euro.
Shuma totale është 12.000 euro”, shkroi ai.
Derisa ka publikuar fotografi së bashku me vajzën që ia ka bërë dhuratën, ai ka vazhduar të kërkojë mjete për operacion.
“Operimi mbetët deshira e vetme e prindëve të saj , që HABIBJA të ecën me këmbët saja gjatë jetës që ata do ta jetojnë sëbashku! Prandaj, mos u ndalni, ndihmoni dhe ta ndihmojmë edhe këtë vajzë.
Paratë i tubojmë deri nesër në mbrëmje”, shkroi Labinot Tahiri
