Ismaili: Për 3 muaj, mjekët e QKUK-së vendosen 507 stenta te pacientët

Kosova

Ismaili: Për 3 muaj, mjekët e QKUK-së vendosen 507 stenta te pacientët

Më: 13 maj 2019 Në ora: 14:25
Ministri i Shëndetësisë, Uran Ismaili

Ministri i Shëndetësisë, Uran Ismaili ka thënë se vetëm brenda 3 muajve të parë të vitit 2019, mjekët specialistë në QKUK kanë vendosur 507 stenta te pacientët, dyfish më shumë se në vitin 2018, të cilat, për këtë periudhë kohore, arrinin deri në 285 sosh.

Përmes një postimi në Facebook, Ismaili ka theksuar se këto shërbime përkthehen në qindra-mijëra euro kursime të qytetarëve.

Postimi i plotë:

Shumë i lumtur për ecurinë e shërbimit 24-orësh për kujdesin e zemrës dhe stentimin në QKUK. Vetëm brenda 3 muajve të parë të vitit 2019, mjekët specialistë kanë vendosur 507 stenta te pacientët, dyfish më shumë se në vitin 2018, të cilat, për këtë periudhë kohore, arrinin deri në 285 sosh. Për të njëjtën kohë, janë realizuar edhe 719 koronarografi, për dallim prej 543 në vitin e kaluar. Këto shërbime përkthehen në qindra-mijëra euro kursime të qytetarëve. Ky është shembulli më i mirë që na garanton se puna që po bëjmë sot do të jetë afatgjate dhe gjithmonë në mbrojtje të shëndetit dhe xhepit të qytetarëve tanë. #BashkëeNdreqim

commentFirst article
Sot mund të lexoni Shfletoni kopertinat