Voziti 304 km/h në autostradën “Ibrahim Rugova”, dënohet me 300 euro shoferi

Kosova

Voziti 304 km/h në autostradën “Ibrahim Rugova”, dënohet me 300 euro shoferi

Më: 20 maj 2019 Në ora: 12:20
Foto ilustrim

Policia e Kosovës ka ndaluar një person pasi që i njëjti me veturën e tij kishte zhvilluar shpejtësi 304 km/h në Autostradën “Ibrahim Rugova”, duke thyer kështu rregullat e komunikacionit.

“Shoferi i automjetit ka lëvizë me shpejtësi 304 km/h në Autoudhën “Dr. Ibrahim Rugova” në zonën ku shpejtësia është e kufizuar në 100 km/h, dhe i njëjti është dënuar me 300 € gjobë, 3 muaj ndalim i të drejtuarit të mjetit me veprim motorik, si dhe 3 pikë negative”, ka njoftuar policia.

Vetëm gjatë javës se kaluar Njësia për Kontrollë të Autostradave ka shqiptuar 652 tiketa për tejkalim të shpejtësisë.

“Me këtë veprim rrezikohet jeta e juaj dhe pjesëmarrësve tjerë në trafik, andaj Policia e Kosovës do të vazhdoj me identifikimin dhe ndëshkimin e shoferëve që nuk respektojnë kufizimin e shpejtësisë!”, ka bërë apel Policia e Kosovës.

commentFirst article
Sot mund të lexoni Shfletoni kopertinat