Komuna e Istogut ka përfituar grand nga Ambasada e Republikës së Bullgarisë në Kosovë, përcjell “Bota sot”.
Këtë e ka bërë të ditur përmes një postimi në Facebook kryetari i kësaj komune, Haki Rugova, ku ka shkruar se sot kanë nënshkruar marrëveshje bashkëpunimi për zbatimin e projektit "Pajisjet me infrastrukturë të brendshme për institucionin e edukimit parashkollor, Gëzimi ynë" në Istog.
Postimi i plotë:
Komuna e Istogut përfituese e grandit nga Ambasada e Republikës së Bullgarisë në Kosovë
Sot pritëm në takim zëvendës ambasadorin e Bullgarisë në Kosovë Kiril Yanchev, me të cilin nënshkruam marrëveshjen e bashkëpunimit për zbatimin e projektit "Pajisjet me infrastrukturë të brendshme për institucionin e edukimit parashkollor, Gëzimi ynë" në Istog. Nga ky bashkëpunim komuna e Istogut do të përfitoj një shumë prej 14.680 euro.
Falenderova zëvendës ambasadorin Kiril Yanchev për vizitën dhe grandin e dhuruar për komunën tonë, duke theksuar se ky grand është shumë i rëndësishëm dhe se ky bashkëpunim është një fillim i mbarë dhe do të vazhdojë edhe ne të ardhmen.