Kryetari i komunës së Podujevës Agim Veliu në deklarimin e pasurisë ka bërë publike pronat e tij dhe paratë e kursyera në dy banka.
Në bazë të këtij deklarimi Veliu i ka të kursyera 19 mijë e 449 euro, ndërsa ka deklaruar se ka tokë, shtëpi, një banesë dhe 10 ari truall.
Për këto të fundit Veliu nuk ka treguar vlerën e tyre.
Në formularin e Agjencisë Antikorrupsion Veliu nuk i ka deklaruar të ardhurat e bashkëshortes së tij, por as të djemve.
Madje kryetari i Podujevës nuk ka deklaruar se ka në pronësi ndonjë veturë.
Veliu po ashtu ka deklaruar se ka hyrë në kredi në shumën prej 25 mijë euro për të blerë truallin.