Në qytetin e Kamenicës do të ndërtohen 9 shtëpi për komunitetet pakicë.
Këtë e bëri të ditur kryetari i Kamenicës, Qëndron Kastrati, përmes një postimi në facebook duke thënë se, kanë nënshkruar një projekt për ndërtimin e 9 shtëpive për komunitetet pakicë.
Statusi i plotë:
Sot nënshkruam marrëveshjen për ndërtimin e 9 shtëpive për komunitetet pakicë në Kamenicë. Ky projekt është financuar nga Bashkimi Evropian dhe Ministria për Komunitete dhe Kthim, ndërkaq është implementuar nga organizata IOM.
Falënderoj BE-në dhe ministrinë për këtë projekt, i cili do të ndihmojë komunitetet në komunën tonë!