Gjatë ditë së djeshme në Kopiliq të Epërm të Skenderajt dy persona janë zënë nga shembja e dheut.
Fatkeqësisht njëri ka ndërruar jetë, ndërsa tjetri ka mbetur i lënduar.
Gazeta “Bota sot”, mëson se, personi që ndërroi jetë është Qamil Brahimi nga fshati Kçiq i komunës së Mitrovicës.
Lajmin për vdekjen e tij, e ka konfirmuar edhe djali i tij, Enisi përmes një postimi në Facebook.
Ndërsa, sipas Policisë i ndjeri dhe i lënduari ishin duke punuar në një kompani private duke kryer një kanal të ujërave të zeza.
Njësitë relevante kanë dalë në vendin e ngjarjes ku mjeku kujdestar ka konfirmuar vdekjen e viktimës.
Me vendim të prokurorit trupi i pajetë i viktimës është dërguar në Institutin e Mjekësisë Ligjore për obduksion.