PDK: Përvjetori i Lidhjes së Prizrenit u shënua në mënyrë të zbehtë - Bota Sot
PDK: Përvjetori i Lidhjes së Prizrenit u shënua në mënyrë të zbehtë

Kosova

PDK: Përvjetori i Lidhjes së Prizrenit u shënua në mënyrë të zbehtë

Më: 12 qershor 2019 Në ora: 11:17
Lidhjes Shqiptare të Prizrenit

Dega e Partisë Demokratike të Kosovës në Prizren ka reaguar për mënyrën e shënimit të përvjetorit të Lidhjes Shqiptare të Prizrenit duke thënë se ishte shumë e zbehtë.

Ata kanë kritikuar pushtetin lokal që drejtohet nga Lëvizja Vetëvendosje, që sipas PDK-së, dikur protestonte para Kuvendit Komunal.

Sipas PDK-së, Kuvendi Komunal ka fyer Prizrenin me aktivitetet e tyre simbolike duke mos organizuar as një akademi solemne.

“Shënimi në këtë formë i 141-vjetorit të njërës prej ngjarjeve më të rëndësishme të Historisë Kombëtare, vetëm me disa aktivitete simbolike, konsiderojmë se është fyese për Prizrenin, që tashmë edhe në saje të LSHP-së është shpallur Kryeqytet Historik. Veprimet kësisoj të këtij pushteti janë dëshmia më e mirë para qytetarëve për paaftësinë e tyre për menaxhim të ekzekutivit komunal, të cilin e udhëheq Vetëvendosje”, thuhet në reagim.

PDK i konsideron si të papranueshme arsyetimet e zyrtarëve lokalë se reduktimi i aktiviteteve ka ardhur si pasojë e anulimit të prokurimit për organizimin e manifestimeve për nder të festave të qershorit.

“A është serioze kjo kur, qe 141 vjet dihet se 10 Qershori është përvjetori i LSHP-së, ndërsa qe dy dekada 12 Qershori-Dita e Çlirimit të Prizrenit. Në këtë rast nuk është dashur kurrfarë mjetesh për ta mbajtur një akademi solemne. Habitemi kësaj radhe, se si pushtetarët lokalë dhe kryetari Haskuka nuk e fajësuan ish-pushtetin edhe për këtë anulim të tenderit, duke i kaluar zbehtë datat më të rëndësishme Kombëtare dhe të Qytetit të Prizrenit”, përfundon reagimi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...