Arian Jashari, nxënës i klasës së 5-të në American School of Kosova, është fitues i vendit të parë në nivel vendi në të gjitha kategoritë në Garën Kangaroo 2019 në Kosovë.
Gara Kangaroo është gara më e popullarizuar në botë për fushën e matematikës, e cila organizohet në mbi 70 vende të botës dhe çdo vit marrin pjesë mbi 6 milionë nxënës nga mbarë bota. Këtë vit, morrën pjesë mbi 4 mijë nxënës të të gjitha niveleve të arsimit parauniversitar nga mbarë Kosova.
Ariani nuk është i vetmi nxënës nga American School of Kosova që po dëshmon aftësitë e tij të jashtëzakonshme në lëndën e matematikës.
Vitin e kaluar, Robert Preni, nxënës i klasës së 10-të, arriti të shënojë një sukses në nivel ndërkombëtar në lëndën e matematikës, në testin e progresit akademik (Measurement Academic Progress, MAP).
American School of Kosova mbetet tejet e përkushtuar të zhvillojë, sfidojë dhe përforcojë shkathtësitë e nxënësve të saj kështu duke i përgatitur ata në nivel botëror.
