Mbledhje komemorative në nderim të gazetarit Ibrahim Sefedini - Bota Sot
Mbledhje komemorative në nderim të gazetarit Ibrahim Sefedini

Kosova

Mbledhje komemorative në nderim të gazetarit Ibrahim Sefedini

Nga: Aziz Zuka Më: 12 qershor 2019 Në ora: 18:18
Nga Mbledhja komemorative për gazetarin e ndjerë Ibrahim Sefedini në Viti

Në Viti, sot në orët e pasditës nën patronatin e kryetarit të Vitisë Sokol Haliti e në mbështetje të gazetarve  vitias është mbajtur mbledhje komemorative me rastin e vdekjes së gazetarit vitias, Ibrahim Sefedini.

 Hasan Aliu, Zv. Kryetari i Komunës së Vitisë, në fjalën e tij, ka shprehur ngushëllime familjes, miqve, gazetarëve dhe shoqërisë civile./Ai ndër të tjerash tha se

“Sot është ditë pikëllimi jo vetëm për familjen, por edhe për shokët, miqtë, bashkëpunëtorët e kolegët, por sidomos për komunitetin e gazetarëve, ngase Vitia por edhe Kosova në përgjithësi, humbi një profesionist dhe një gazetar të devotshëm, i cili bëri shumë në fushën e informimit publik”, u shpreh zv. Kryetari Aliu. Ai tha se gazetari, Ibrahim Sefedini ka dhënë edhe një kontribut të madh në zhvillimin e shoqërisë civile në komunën e Vitisë, ku ishte pjesë aktive edhe e OJQ “Elita”, por përmendi edhe kontributin e gazetarit Sefedini të dhënë gjatë periudhës së viteve 1990-1999 në aktivitet e ndryshme.

Ndërkaq një biografi të shkurtër për të ndjerin e ka lexur shoku dhe kolegu i të ndjerit Avdi Lutfiu . Në këtë mbledhje komemorative në emer të Klubit të gazetarve “”Kerim Lewton”” të Vitisë, ka  folur kryetari i këtij klubi  Shyqeri Halabaku.

E Emrush Azemi ish drejtor I OJQ”Elita”, që ka bashkëpunuar dikur ngushtë me të në OJQ “Elita” si dhe Mentor Rexhepi nga Rotary Club- Vitia, ishin ata të cilët kanë evokuar kujtimet për të ndjerin Ibrahim Sefedini.

Moderimi në këtë mbledhje komemorative u ba nga kolegu i tij gazetar, Tefik Salihu e nga familja ka folur me sy teë përlotur djali i madh i gazetarit, Sefedini, Taulant Sefedini i cili falënderoj të gjithë ata që e kanë mbështetur babain e tij dhe familjën Sefedini. Në përfundim të kësaj mbledhjeje u lexuan edhe dy telegram ngushëllimi një nga gazeta “Koha Ditore” ku edhe ka punuar si koorospodent lokal nga Komuna e Vitisë për gati 2 dekada dhe një nga Shoqata “Vitia” me seli në Gjenevë të Zvicrës. Përndryshe Ibrahim Sefedini ka vdekur pas një sëmundjeje në Francë ku edhe po trajtohej. Varrimi i tij u bë po sot  në varrezat e fshatit Sllatinë e Epërme ku lumtumirën e fundit të  ndjerit imdhanë mijëra  qytetarë të Vitisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...