Kryeministri i Republikës, Ramush Haradinaj ka zhvilluar një bashkëbisedim me fermerët e Ferizajt që protestuan sot para Qeverisë për kompensimin e dëmeve natyrore në kulturat e tyre.
Haradinaj u tha atyre se Qeveria në vazhdimësi është munduar t’i shqyrtoj dhe akomodoj kërkesat e fermerëve dhe se edhe kërkesa e tyre do të marr trajtim.
“Shpreha nevojën e krijimit të një sistemi shtetëror për kompensimin e dëmeve, nismë kjo e inicuar vitin e kaluar në ekzekutiv dhe e cila nuk është trajtuar asnjëherë më parë.
Krijimi i një baze ligjore për përkrahjen e fermerëve edhe në këtë drejtim, është nevojë e pashmangshme dhe ne do të angazhohemi për këtë aspekt”, ka deklaruar Haradinaj.
