Deçani shumë shpejt pritet të ketë edhe një vend të bukur. Ndërtimi i shëtitores në Lumbardhin e Deçanit, po e merr formën e duhur dhe është duke u punuar me intensitet të madh.
Për të parë punimet, në vendin e ngjarjes ka qenë edhe kryetari i komunës, Bashkim Ramosaj si dhe drejtori i Urbanizmit, Ramë Melaj.
Në projekt është paraparë rregullimi i shtratit të lumit, shëtitorja si dhe infrastrukturën përcjellëse nga vendi i quajtur ,Ura e Demës,, deri tek uji i thartë ku përgjatë lumit do të ruhet origjinaliteti i rrjedhjes së ujit do të punohet në të dyja anët për të krijuar ambient të bukur dhe atraktiv.