Në Komunën e Kamenicës, Drejtoria e Përgjithshme e Policisë, në bashkëpunim me Komisionin e Pavarur për Miniera dhe Minerale, si dhe Inspektorati komunal i Komunës, kanë mbyllur seperacione dhe deponi të zhavorit, pasi janë gjetur shumë parregullësi.
Këtë e bëri të ditur vet kryetari i kësaj komune Qëndron Kastrati, permes një postimi në Facebook
Postimi në Facebook:
Drejtoria e Përgjithshme të Policisë, në bashkëpunim me Komisionin e Pavarur për Miniera dhe Minerale, si dhe Inspektorati komunal i Komunës së Kamenicës dje kanë zhvilluar një aksion inspektimi.
Janë inspektuar të gjitha seperacionet dhe deponitë e zhavorit. Pasiqë janë hasur shumë parregullësi, janë mbyllur shtatë separacione dhe një deponi e zhavorit. Kurse dy separacioneve të tjera u është dhënë afat prej 30 ditësh që të pajisen me leje ujore.
