Kryeministri Ramush Haradinaj deklaroi sot se sukseset e EULEX-it dhe Kosovës janë të përbashkëta dhe në funksion të ndërtimit të besimit të qytetarëve për institucionet e Kosovës.
Ai gjatë një takimi lamtumirës me shefen e EULEX-it, Alexandra Papadopoulos tha se Qeveria e Kosovës është e përkushtuar në rrugën e saj për sundimin e ligjit.
“Duke e ndihmuar sistemin tonë të drejtësisë, ju keni ndihmuar gjithë shoqërinë dhe në këtë proces gjithmonë e keni pasur mbështetjen e Qeverisë”, tha kryeministri Haradinaj.
Shefja e EULEX-it, Alexandra Papadopoulou, falënderoi kryeministrin për pritje dhe për bashkëpunimin e deritanishëm me EULEX.
