Me rastin e fillimit të fushatës së korrje-shirjes, kryetari i Komunës së Drenasit, Ramiz Lladrovci ka uruar hapjen e fushatës së korrje shirjeve në Komunën e Drenasit.
Komuna me kohë ka bërë të gjitha përgatitjet e duhura, ku fillimisht ka formuar Komisionin i cili do të përcjell fushatën e korrje-shirjes dhe pasi që Komisioni ka konstatuar se janë plotësuar kushtet për fillimin e korrje-shirjes.
Fushata e korrje-shirjes pothuajse ka filluar ne të gjitha fshatrat e Komunës së Drenasit. Në territorin e Komunës janë të mbjella 1762 hektarë me grurë, ndërsa rendimentet këtë vit janë të kënaqshme dhe sillen mesatarisht rreth 3000-3500 kilogram për hektarë, ndërsa për elb, 2600 kilogram për hektar. Nëse kushtet atmosferike janë të mira, kjo fushatë pritet të përfundojë brenda 14 ditësh.