MIT ofron zgjidhje për banorët e Zahaqit dhe Pavlanit të Pejës - Bota Sot
MIT ofron zgjidhje për banorët e Zahaqit dhe Pavlanit të Pejës

Kosova

MIT ofron zgjidhje për banorët e Zahaqit dhe Pavlanit të Pejës

Më: 16 korrik 2019 Në ora: 16:46
Pamje nga takimi

Të autorizuar nga ministri i Infrastrukturës dhe Transportit Pal Lekaj, një ekip nga MIT, sot takuan banorët e Zahaqit dhe Pavlanit të Pejës, të cilëve u ofroi zgjidhje sa i përket kyçjeve në rrugën nacionale N9, segmenti Zahaq - hyrja e Pejës.

Në emër të ministrit Lekaj, banorëve iu adresua shefi i kabinetit të ministrit, Argjend Zejnaj, i cili kërkoi mirëkuptimin e banorëve të këtyre lokaliteteve dhe u premtoi atyre se në afatin më optimal MIT, në bashkëpunim me Policinë e Kosovës, do t’u ofrojë zgjidhje adekuate konform parametrave të sigurisë së trafikut dhe rregullave teknike infrastrukturore të kësaj rruge.

Zejnaj tha se nga muaji gusht do të fillojë implementimi i katër rreth rrotullimeve dhe një hyrje - dalje në këtë segment rrugor.

Ndryshe, bBanorët e Zahaqit të Pejës janë kundër vendosjes së ndarësve të traseve në këtë fshat nga ana e Ministrisë së Infrastrukturës dhe Transportit, gjë e cila po ua vështirëson dukshëm jetën atyre.

Sipas tyre, vendosja e këtyre barrierave u pamundëson qytetarëve të kësaj ane të kryejnë shërbimet në Qendrën e Mjekësisë Familjare të bashkësisë lokale, në zyrën komunale, qasjen në shtëpinë e kulturës, dërgimin e fëmijëve në shkollë, bizneseve të kryejnë veprimtarinë e tyre tregtare, qasjen në sallën e sporteve që është në ndërtim e sipër dhe qytetarëve u duhet që të bëjnë minimum 5-7 km më shumë që të shkojnë në shtëpitë e tyre.

Ata përkujtojnë se vënia e barrierave të tilla rrugore nuk parashihet me ligj në zonat me banim dhe se çdo veprim tjetër i ministrisë në rrugët përgjatë vendbanimeve duhet të konsultohet me banorët.

Banorët ankohen se këto nuk janë shkeljet e vetme që ka bërë Ministria e Infrastrukturës, pasi po e njëjta ministri ende nuk ka bërë shpronësimin e pronave dhe dëmeve anësore që ia kanë bërë banorëve gjatë ndërtimit të rrugës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...