Ministri i Ekonomisë, Valdrin Lluka, ka pritur në takim Kryeshefin Ekzekutiv të Ujësjellësit të Prishtinës, Ilir Abdullahu.
Ai përmes një postimi në Facebook, ka treguar se, biseduan për projektet e radhës në ujësjellës, që kryesisht kanë të bëjnë me digjitalizim.
Postimi në Facebook:
Këtë mëngjes prita në zyre Kryeshefin Ekzekutiv të Ujësjellësit të Prishtinës, Ilir Abdullahu, me të cilin diskutuam për projektet e radhës në ujësjellës, që kryesisht kanë të bëjnë me digjitalizim, siç janë: pagesa përmes aplikacionit në telefon të faturave të ujit, digjitalizimi i rrjetit për qasje online (open data), identifikimi i humbjeve të ujit në mënyrë digjitale dhe investimi për trajtimin e ujërave të zeza në Prishtinë që do të filloj se shpejti.
