SBASHK: Bytyqi mos të krenohet me punën e të tjerëve

Kosova

SBASHK: Bytyqi mos të krenohet me punën e të tjerëve

Më: 25 korrik 2019 Në ora: 10:49
Pamje nga takimi

SBASHK-u reagoi ndaj deklaratave të ministrit të Arsimit, Shyqiri Bytyqi, në lidhje me ligjin e viteve 90-ta duke thënë se ata janë meritorë për inicimin e këtij ligji dhe jo kreu i MASHT-it.

“Duke parë se ministri Bytyqi dhe individë aty-këtu po tentojnë që këtë ligj tepër domethënës ta kthejnë në merita e dekorata për vetën e tyre, SBASHK-u reagon duke kujtuar opinionin se ishte SBASHK-u, që me mund e sakrifica për 5 vite me radhë arriti të ndikojë pozitivisht të përgjegjësit që të punohet projektligji për vitet e 90-ta dhe që ai pastaj të kthehet në ligj, Kjo u bë me mund e sakrifica”, thuhet në reagimin e SBASHK-ut.

Ata shtojnë se Bytyqi, që tani mundohet t’i vë vetit dekorata për ligjin, gjatë gjithë kohës bëri fare pak apo asgjë në lidhje me të.

“Ministri Bytyqi ka mundur tani e 4 muaj ta nënshkruaj Udhëzimin Administrativ, që mundëson fillimin e aplikimeve te punëtorëve të viteve të 90-ta, që janë pensionuar. Ai nuk e bëri me kohë as këtë veprim, po e priti momentin e fundit. E këshillojmë ministrin Bytyqi dhe ca të tjerë të mos krenohen me frytet e punës së të tjerëve”, vijon deklarata.

Ata thonë se kanë respekt për kryeministrin në detyrë Haradinaj, që sipas tyre, premtimet për këtë ligj i kthehu në realitet përkundër kundërshtimit të përfaqësuesve ndërkombëtarë e vendorë.

commentFirst article
Sot mund të lexoni Shfletoni kopertinat