Kryetari i AAK-së, Ramush Haradinaj, është takuar me kryetarët e komunave ku udhëheq AAK-ja.
Ai përmes një postimi në Facebook ka shkruar se Dukagjini është mobilizuar për fitore dhe se është rikthyer në hartën e investimeve të mëdha.
Postimi në Facebook:
Me kryetarët e Aleancës nga Gjakova, Peja, Klina, Deçani dhe Juniku, të mobilizuar për fitore në zgjedhjet që i kemi përpara. Gjatë kësaj periudhe të qeverisjes vepruese, Dukagjini është rikthyer në hartën e investimeve të mëdha. Mbështetja e fuqishme për projektin 100% shtet, është garancë për qëndrueshmëri dhe zhvillim dinamik të tërë Kosovës.