Lëndime trupore ka pësuar një biçiklist në Fushë Kosovë pasi është goditur nga një veturë.
Personi i lënduar është dërguar për tretman mjekësor dhe është jashtë rrezikut për jetë.
Lajmi është konfirmuar nga zëdhënësja e Policisë së Kosovës për rajonin e Prishtinës, Flora Ahmeti.
“Rreth orës 14:00 kemi pranuar informatën për një aksident trafiku në rrugën Dardania në Fushë Kosovë, ku kanë qenë të përfshira një veturë dhe një biçikletë. Si pasojë e aksidentit lëndime trupore ka pësuar biçiklisti i cili është dërguar për tretman mjekësor”, ka thënë Ahmeti.
Sipas Ahmetit, me rastin po merret njësiti i trafikut.
