Nisin punimet në sallën sportive të shkollës së Irzniqit - Bota Sot
Nisin punimet në sallën sportive të shkollës së Irzniqit

Kosova

Nisin punimet në sallën sportive të shkollës së Irzniqit

Më: 17 shtator 2019 Në ora: 12:19
Foto

Në shkollën e mesme të ulët "Maxhun Çekaj" në Irzniq të Deçanit kanë filluar punimet për përfundimin e sallës së edukatës fizike, punimet e së cilës kishin nisur qysh në vitin 2013, por në mungesë buxheti ka mbetur e papërfunduar deri tani.

Ministri i Arsimit, Shkencës dhe Teknologjisë, Shyqiri Bytyqi u shpreh se përmes finalizimit të kësaj salle sportive po krijohet ambient më i ngrohtë për nxënësit e Irzniqit me rrethinë.

Bytyqi  ka thënë se gjatë mandatit të tij kanë arritur që shkollat t'i pajisin edhe me infrastrukturë rekreative krahas asaj shkollore.

 Bytyqi: Kemi arritur shkollat t'i kompletojmë edhe me infrastrukturë shkollore dhe rekreative

 "Gradualisht atë gjykimin që e kemi pasur me qeverinë Haradinaj qe ta kompletojmë jo vetëm infrastrukturën shkollore por të kemi edhe infrastrukturë përcjellëse që është po aq e domosdoshme sa edhe infrastruktura shkollore. Tash fëmijët e Irzniqit me rrethinë do kenë mundësi pas finalizimit të kësaj shkolle të kenë pjesën rekreative që është po aq e rëndësishme sa edhe vetë pjesa e edukimit dhe po besoj se nga këtu do kemi zbulim të shumë talentëve", theksoi Bytyqi.

Kurse, kryetari i komunës së Deçanit, Bashkim Ramosaj, tha se ky projekt po finalizohet falë përkushtimit të ministrisë së Arsimit dhe këmbënguljes së ish deputetit të AAK-së, Rasim Selmanaj.

Ramosaj: Meritor për këtë sallë të edukatës sportive është Rasim Selmanaj

"Falënderoj ministrin për përkushtimin për tërë infrastrukturën e Deçanit e në veçanti për rastin ku jemi sot në Irzniq, po ashtu meritë të veçantë e ka edhe deputeti, Rasim Selmanaj që e ka filluar këtë ëndërr të bëhet realitet deri më sot", tha ai.

Fillimin e punimeve në sallën sportive të shkollës "Maxhin Çekaj" e ka mirëpritur edhe drejtori i shkollës, Mehdi Dodaj i cili teksa ka falënderuar ata që kanë kontribuar për finalizimin e kësaj salle u shpreh se ky projekt është tejet i rëndësishëm për nxënësit.

 Dodaj: Ky projekt është i rëndësishëm për nxënësit

"Në emër të drejtorisë së shkollës, në emër të mësimdhënësve dhe nxënësve dhe banorëve të tri lokaliteteve falënderoj ministrin Shyqiri Bytyqin, deputetin Selmanaj kryetarin Ramosaj dhe qeverinë Haradinaj për zbatimin e këtij projekti shumë të rëndësishëm për nxënësit e kësaj shkolle", tha ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...