Kandiati i PDK-së, për kryeministër, Kadri Veseli, në tubimin që ka mbajtur në Vushtrri ka thënë se ky tubim dëshmon se vushtrriasit janë të vendosur për fitoren e PDK-së.
Përmes një postimi në Facebook, Veseli ka thënë se ata që i ndajnë dhe përçajnë qytetarët brenda, nuk mund ta mbrojnë Kosovën jashtë.
Sipas tij sa më e fortë është Partia Demokratike Kosovës, aq më e fortë është Kosova.
Postimi i plotë:
Krejt Vushtrria është çuar në këmbë për ta përkrahur Partinë Demokratike të Kosovës. Ky tubim masiv dëshmon se vushtrriasit kanë vendosur për fitoren tonë, për fitoren e Kosovës.
Të qëndrojmë të bashkuar dhe entuziastë, sepse Kosova ka nevojë për ne. Ata që i ndajnë dhe përçajnë qytetarët brenda, nuk mund ta mbrojnë Kosovën jashtë.
Sa më e fortë është Partia Demokratike Kosovës, aq më e fortë është Kosova. Sa më e fortë është Kosova, aq më e dobët është Serbia.
Pas 6 tetorit, përpara kemi shumë sfida, por ne jemi të përgatitur. Ne kemi vizion. Ne e dimë rrugën. Ajo është rruga perëndimore.
Më 6 tetor, të gjithë bashkë për Kosovën tonë.
Ne kemi një qëllim: ta ndërtojmë bashkë të ardhmen për qytetarët, për shtetin tonë.
