Nis ndërtimi i Palestrës Sportive në Lipjan

Kosova

Nis ndërtimi i Palestrës Sportive në Lipjan

Më: 11 tetor 2019 Në ora: 15:48
Foto nga ngjarja

Në Lipjan sot janë inauguruar punimet për projektin e Palestrës së re Sportive. Palestër kjo e cila pritet të jetë me mbi 1200 ulëse, me vlerë 1 milion e 750 mijë euro.Ahmeti: Palestra të tilla sportive i kanë munguar Lipjanit

"Sot po inaugurojmë e punimet e një palestre të madhe sportive, e cila i mungon Lipjanit. Deri tash kemi pasur një sallë tepër të vogël që nuk i ka plotësuar kushtet për klubet tona sportive. Është një palestër e madhe me mbi 1200 ulëse. Dhe në vlerë totale 1 milion e 750 mijë euro. Pritet që ky projekt me përfundu për dy vite. Po besoj që standardet e kërkuara për garat në UEFA dhe në liga të tjera të ekipeve të ndryshme të Lipjanit, do të plotësohen me këtë palestër të re", tha Ahmeti.

Ahmeti mes tjerash tha se projekti për palestrën sportive është i bazuar në mjetet vetanake të Komunës së Lipjanit.

Ndërsa, siç tha ai do të shohin nëse do të ketë përkrahje edhe nga Ministria e Kulturës, Rinisë dhe Sportit, që ky projekt të përfundojë më shpejt se sa që është i paraparë.

commentFirst article
Sot mund të lexoni Shfletoni kopertinat