Haradinaj: Ky ministër shqiptar ka punuar kundër Kosovës, Ditmir Bushati jo

Kosova

Haradinaj: Ky ministër shqiptar ka punuar kundër Kosovës, Ditmir Bushati jo

Më: 17 tetor 2019 Në ora: 22:19
Ramush Haradinaj

Ministri i Jashtëm në detyrë i Shqipërisë, Gent Cakaj sipas kryeministrit në detyrë të Kosovës, Ramush Haradinaj ka punuar kundër interesave të Kosovës.

Deklaratën Haradinaj e bëri gjatë intervistës dhënë, për emisionin “360 Gradë”.

“Rezistoi Ditmiri të them të drejtën, nuk i di motivet e tij meqenëse ai rezistoi në një detyrë e cila ishte pengesë pastaj ndodhën edhe lëvizjet edhe largimet pastaj të Ditmirit deri në mbërritjen e një kosovari të ri. Mund të jetë një djalë shumë i mire”

 “Por unë nuk e besoj që ai e di se çfarë do të thotë për Kosovën se sa e dëmshme është për të ose ka dëgjuar vetëm argumente të tjera”

“Neve na thonë diplomatë ndërkombëtarë që ministri i Jashtëm e argumenton e lobon idenë e hapjes së kufijve të shkëmbimit të territoreve Kosovë-Serbi. Por kam dëgjuar prej diplomatëve të tjerë pasi kështu po e argumentonte”, ka thënë Haradinaj.

Tutje, Haradinaj ka thënë se Cakaj është tërhequr nga kjo ide.

“Cakaj është tërhequr, ndoshta ka shtatë ose tetë muaj që nuk lobon më për të. Një vit më parë kur ai mori detyrën ishte mjaft entuziast. Për fat të keq po, Ditmiri jo, pasi ai ka mbajtur një qëndrim të heshtur ndaj shefit ose zhvillimeve por nuk u bë kurrë shtytës i kësaj ideje”, është shprehur ai.

commentFirst article
Sot mund të lexoni Shfletoni kopertinat