Asfaltimi i rrugëve në vendin tonë shpesh është kritikuar pikërisht për mënyrën e punimit dhe cilësisë.
Jo pak rrugë pa shkuar as një vit nga asfaltimi janë dëmtuar, e disa të tjera vazhdojnë të mbesin të zhytura në baltë.
Por, në mëshirë të fatit, ka mbetur një rrugë në fshatin Vrellë të Istogut. Komuna e ka lënë në gjysmë asfaltimin e saj.
Nga 250 metra rrugë sa ishtë e tëra, komuna ka asfaltuar vetëm 200, duke lënë kështu 50 metra për vitin e ardhshëm.
Kjo është rruga e dytë që mbetet në gjysmë, pasi që edhe më herët në gjysmë kishte mbet edhe ajo “Djemtë e Vrellës”, e cila të dërgonte te Kompleksi Memorial i Dëshmorëve.