Vazhdon të rritet numri i të ardhurve nga Shqipëria, komuna ju ofron shërbimet e nevojshme

Kosova

Vazhdon të rritet numri i të ardhurve nga Shqipëria, komuna ju ofron shërbimet e nevojshme

Më: 30 nëntor 2019 Në ora: 15:10
Pamje nga vendi i ngjarjes

Numri i personave dhe familjeve të cilat janë zhvendosur nga Shqipëria, kryesisht zona e Durrësit dhe po strehohen në Malishevë, po vazhdon të rritet, pasi gjatë natës së mbrëmshme janë strehuar edhe tetë familje tjera. Të gjitha këto familje janë strehuar në shtëpitë e banorëve të Komunës së Malishevës, ndërsa komuna së bashku me shërbimet tjera është duke ju ofruar të gjitha shërbimet e nevojshme.

Krahas evidentimit të personave të cilët janë strehuar, ju është ofruar edhe pako ushqimore dhe higjienike, si dhe shërbimet e nevojshme shëndetësore, nga ekipet e shërbimit shëndetësor në Malishevë.

Krahas shërbimit shëndetësor, edhe organizata humanitare “Nëna Terezë”, gjithashtu është duke mbështetjen e saj.

Ekipet përgjegjëse komunale, janë në shërbim për ofrimin e mbështetjes së duhur për të gjithë të zhvendosurit.  

commentFirst article
Sot mund të lexoni Shfletoni kopertinat