Ka përfunduar projekti i Organizatës Ndërkombëtare Humanitare Gjermane “Arbeiter –Samariter-Bund Detchland” (ASB), “Mbështetje integruar Socio-ekonomike për familjet shumë të prekura”, që është realizuar në bashkëpunim me Komunën e Malishevës, dhe është realizuar në Malishevë.
Për këtë qëllim, Kryetari i Komunës së Malishevës, Ragip Begaj dhe drejtori i Drejtorisë për Shëndetësi dhe Mirëqenie Sociale, Liridon Hoti, e kanë pritur në takim, një delegacion të organizatës ASB, me në krye drejtoreshën Dafina Hoxha, e cila ja dorëzoi edhe raportin e kompletuar të implementimit të këtij projekti në Komunën e Malishevës.
Me këtë rast, Kryetari i Komunës së Malishevës, Ragip Begaj, i ka falënderuar zyrtarët e ASB për bashkëpunimin e mirë dhe realizimin e projekt, në të cilin kanë përfituar dhjetë familje nga Malisheva.
Ndërsa drejtoresha e ASB për Kosovës, Dafina Hoxha, ka bërë të ditur se projekti është realizuar sipas planifikimit, ndërsa përfitues janë dhjetë familje, të cilat i kanë përfitues mjete në formë granti, sipas kërkesave të tyre, e që këto mjete kapin një shumë prej 25 600 euro, për dhjetë familjet, apo mbi 2500 euro, për secilën familje.
